2. Сілтеме жасай отырып, 2008 жылғы 11 маусымдағы Қазақстан Республикасы мен Француз Республикасының стратегиялық серіктестік туралы келісіміне, мемлекет басшылары екі ел арасындағы барлық деңгейдегі сенімді және тұрақты диалогты құптады. Екі ел арасындағы ынтымақтастықтың жоғары динамикасын атап өтіп, Қазақстан Республикасының Президентінің Парижге 2022 жылғы 29-30 қарашадағы және Француз Республикасының Президентінің Астанаға 2023 жылғы 1 қарашадағы сапарларын жалғастыра отырып, мемлекет басшылары екіжақты мемлекеттік қатынастарды тереңдетуге, кеңейтуге және әртараптандыруға деген өзара ұмтылысты растады, бұл стратегиялық серіктестікті нығайтуға бағытталған.
3. Президенттер әлемдік және өңірлік деңгейде бейбітшілік, қауіпсіздік және тұрақтылықты қамтамасыз етуге деген ортақ ұмтылысты қайта растады. Халықаралық құқыққа және БҰҰ Жарғысының негізгі принциптеріне, атап айтқанда, егемендікті, тәуелсіздікті, аумақтық тұтастықты және барлық мемлекеттердің халықаралық деңгейде мойындалған шекараларын бұзбауға, сондай-ақ дауларды бейбіт жолмен шешуге берік міндеттемелерін атап өтті.
Украинадағы жағдайға, оның гуманитарлық салдарына, сондай-ақ ең осал елдердің әлемдік экономика мен азық-түлік қауіпсіздігіне әсеріне алаңдаушылық білдірді.
Азербайжан мен Армения арасындағы қатынастарды қалыпқа келтіруге толық қолдау көрсетіп, 1991 жылғы Алматы декларациясына негізделген екі мемлекетттің аумақтық тұтастығын құрметтеу арқылы өңірде әділ және тұрақты бейбітшілікті қамтамасыз ету үшін келісімшартты тезірек бекіту қажеттілігін атап өтті. Президенттер Оңтүстік Кавказдағы тұрақтылықтың Транскаспий халықаралық көлік маршрутын дамыту үшін маңыздылығын атап өтті.
Афганистан мен Таяу Шығыстағы жағдай, сондай-ақ БҰҰ аясында бейбітшілікті сақтау операциялары бойынша барлық өңірлік және халықаралық мәселелер бойынша өзара консультацияларды тереңдетуге шешімділіктерін атап өтті.
4. Мемлекет басшылары Қазақстан мен Францияның Қазақстан, бір жағынан,
және Еуропалық Одақ пен оның мүше мемлекеттері, екінші жағынан, арасындағы Кеңейтілген серіктестік және ынтымақтастық туралы келісім аясындағы тығыз ынтымақтастықты жалғастыруға деген ұмтылысын атап өтті. Орталық Азия мен Еуропалық Одақ арасындағы ынтымақтастықтың маңыздылығын атап өтіп, «Global Gateway» еуропалық стратегиясын жүзеге асыруды қолдады, сондай-ақ критикалық маңызды минералдар саласындағы ынтымақтастықты атап өтті.
5. Президенттер климаттың өзгеруіне қарсы күресте берік міндеттемелерін білдірді. 2024 жылғы 3 желтоқсанда Эр-Риядта Бүкіләлемдік банк Президентімен бірлесіп, Сауд Арабиясының мұрагер ханзадасымен COP16 аясында өтетін «One Water Summit» кездесуге дайындық аясында Қазақстан мен Франция арасындағы ынтымақтастықты құптады. Бұл бірлескен бастама арқылы Қазақстан мен Франция тұрақты және интеграцияланған су ресурстарын басқару үшін нақты шешімдер әзірлеуді және жоғары деңгейде саяси мобилизацияны күшейтуді мақсат етеді. Елдер климаттың өзгеруінің салдарын жұмсарту және оларға бейімделу, азық-түлік және энергетикалық қауіпсіздікті қамтамасыз ету үшін Орталық Азияда осы бағытта ынтымақтастықты жалғастыруға ниетті.
Қазақстанда қуаты 1 ГВт болатын жел электр станциясын құру жобасының іске асырылуындағы прогресті құптады, бұл Қазақстанның инновациялық көміртексіз энергия көздеріне көшуіне ықпал етеді. Француз Республикасының Президенті Қазақстанды халықтар мен планета үшін Париж пактына қосылуға шақырды.
6. Қазақстан мен Франция бір-біріне маңызды экономикалық серіктестер болып табылады. Мемлекет басшылары екі ел арасындағы құрылымдық ынтымақтастық үшін жаңа горизонттарды анықтаудың маңыздылығын атап өтті, атап айтқанда, энергетика, атомдық энергия, критикалық материалдар, өнеркәсіп, көлік және аэроғарыш салаларында, сондай-ақ ауыл шаруашылығы, денсаулық сақтау және тұрақты қалалық даму салаларында жаңа перспективалық серіктестіктерді құруды атап өтті.
Цифрландыру және жасанды интеллект саласындағы екіжақты ынтымақтастықтың нығаюын атап өтіп, осы салада инновациялық шешімдерді бірлесіп әзірлеу үшін жоғары әлеуетті атап өтті.
7. Француз Республикасының Президенті Францияның Қазақстанның энергетикалық суверенитеті мен экономиканы декарбонизациялау мақсаттарына қолдау көрсететінін білдірді және Қазақстанның азаматтық атом энергиясын дамыту жөніндегі шешімдерін жүзеге асыруда белсенді қолдау көрсетуге дайын екендігін мәлімдеді.
8. Президенттер Қазақстанда Француз даму агенттігінің (AFD) өкілдігін ашуды және су, ауыл шаруашылығы, денсаулық сақтау, цифрлық технологиялар, тұрақты қалалар құру және энергетикалық өтпеліктер саласындағы жобалар мен қаржыландыру перспективаларын қуанышпен атап өтті.
9. Мемлекет басшылары Қазақстанның 2024 жылы Клермон-Ферранда өтетін мал шаруашылығы саммитінде құрметті қонақ ретінде қатысуын құптады және ауыл шаруашылығы мен агроөнеркәсіп секторларындағы ынтымақтастықты нығайту перспективаларын қанағаттанушылықпен атап өтті.
10. Президенттер денсаулық сақтау саласындағы ынтымақтастықтың маңыздылығын атап өтті. Бастапқы медициналық-санитарлық көмек дамытудың Глобалдық коалициясына қолдау білдірді. Екі елдегі жетекші медициналық мекемелермен оқу және зерттеу орталықтарының серіктестіктерін тереңдетудің маңыздылығын атап өтті. Протон терапиясы, медициналық диагностика, жасанды интеллект және ауруханаларды жабдықтау саласындағы қол қойылған келісімдер осы маңызды сектордағы ынтымақтастықтың импульсын нығайтады.
11. Мемлекет басшылары 2024 жылғы 4 қарашада Гиме музейінде «Қазақстан: Ұлы Дала қазыналары» көрмесінің ашылуын құптады. Екі елдің мәдениет мекемелері арасындағы ынтымақтастықты нығайту және тәжірибе алмасуға бағытталған жобаларды жалғастыруды қолдады, музейлер мен мәдени мұра, археология және архивтер саласында қол қойылған келісімдерді іске асыру аясында. Екі елдің киноиндустриясындағы динамикалық ынтымақтастықты одан әрі дамытуға шақырды.
12. Президенттер білім беру және ғылыми зерттеулер саласындағы ынтымақтастықты нығайту ниетін еске алды. Қазақстанда француз тілін оқытуды дамыту маңыздылығын атап өтіп, Астанада және Алматыда екі француз мектебін ашу жөніндегі жобаның іске асырылуындағы прогресті құптады, бұл 2023 жылғы 1 қарашада Астанада қол қойылған Үкіметаралық келісімге негізделген. Студенттер алмасу, кадрларды даярлау және кәсіптік білім беру саласындағы ынтымақтастықты жалғастыруды қолдады.
13. Мемлекет басшылары заңсыз миграциямен күресуге бағытталған ынтымақтастықтың маңыздылығын, реадмиссия туралы Үкіметаралық келісімі негізінде атап өтті. 2024 жылдың қазанында «Қазақстан – ЕС» ынтымақтастық кеңесінде белгіленгендей, Қазақстан мен Еуропалық Одақ арасындағы визалық режимді жеңілдету және реадмиссия туралы келісімдер бойынша келіссөздерді жалғастыруды қолдады.
14. Мемлекет басшылары 2024 жылғы Парижде өтетін жазғы Олимпиада және Паралимпиада ойындарының, сондай-ақ 2024 жылғы қыркүйекте Астанада өткен Бүкіләлемдік көшпелі ойындардың табыстарын қуанышпен атап өтті. Спорт және туризм саласындағы байланыстарды нығайту, атап айт