«Еуразия» кинофестивалі «Бізге дәрігер керек» фильмінің премьерасымен басталады.

Кең ауқымды шара «Бізге дәрігер керек» фильмінен басталады – бұл отбасылық картина, нәзік юмор, терең эмоциялар мен өмір философиясымен толтырылған.

Сюжет орталығында 70 жасын атап өтетін дәрігер Николай Анатольевич Грачев бар. Оның әріптестері, науқастар мен аурухана басшылығы оған жылы әрі шынайы мереке ұйымдастыруда. Алайда, сыртқы қуаныштың астарында адамгершілік қарым-қатынастар, моральдық қиындықтар мен өмір сабақтары туралы күрделі шындық жасырынып жатыр. Оқиғалар күтпеген жерден өрбиді, бұл көрерменге медициналық ұжымның өміріне бойлауға және олардың қиын, бірақ шынайы сәттерін бірге сезінуге мүмкіндік береді.

«Бізге дәрігер керек» – бұл дәрігердің ғана тарихы емес. Бұл күн сайын өмірді құтқарып, дилеммалармен бетпе-бет келіп, өзгерістерге толы әлемде өз принциптеріне адал болуға тырысатын адамдар туралы фильм. Мұнда әркім жақын нәрсені табады: мейірімділік, ауырсыну, үміт және, әрине, адам рухының күшіне сенім.

«Ескі классиканың атауынан шабыт алған музыкалық комедия. Бұл Бродвей стиліндегі мюзикл, себебі бізде тек әндер ғана емес, әндер сюжетті әрі қарай дамытады. Әр әннің маңызы бар және тарихты ілгерілетеді. Қазақстанда мен мұндай фильмдерді әлі көрген жоқпын», - деді фильмнің режиссері Равиль Трумов.

Фильм – Қазақстандық киноөнер шеберлерінің еңбегінің нәтижесі. Сценарий авторлары: Асқар Бисембин, Сакин Токтагулов, Мейрман Абдраимов, Равиль Трумов. Режиссерлер: Равиль Трумов, Асқар Бисембин. Операторлар: Евгений Махметов, Казбек Амержанов. Суретші: Рустам Мусаев. Композитор: Алексей Маклай. Продюсер: Олжас Тартаев. Креативті продюсер: Асқар Бисембин.

Экранда талантты актерлер сомдаған кейіпкерлер өмірге келеді. Шарип Серик, Карина Кудекова, Каракат Башанова және басқа да артистер өз кейіпкерлеріне шынайылық пен көпқырлылық берді.

Фестивальдің негізін қалаушы және ұйымдастырушысы дәстүр бойынша ҚР Мәдениет және ақпарат министрлігі. Кинофестивальді ұйымдастыру Ұлттық «Қазақфильм» киностудиясына тапсырылған.