2024 жылдың 26 қарашасында Қазақстан қор биржасында (KASE) сағат 17:00-ге орташа доллар курсы 498,58 теңгені құрады. 25 қарашадағы сағат 17:00-мен салыстырғанда (1 доллар үшін 498,68 теңге) ұлттық валюта долларға қатысты 0,10 теңгеге нығайды, деп хабарлайды Kapital.kz бизнес ақпарат орталығының тілшісі.
KASE-нің мәліметтеріне сәйкес, саудада минималды курс 497,79 теңге деңгейінде қалыптасты, максималдысы – 499,20 теңге, жабылу курсы – 499,10 теңге. Американдық валютамен сауда көлемі 203 млн 121 мың долларды құрады. Валюта операциялары бойынша мәмілелер саны – 545. Сағат 15:30-да орташа курс 498,55 теңге деңгейінде қалыптасты. kurs.kz мәліметтеріне сәйкес, елордадағы айырбастау пункттерінде 17:15-те американдық валютаның максималды сату курсы 503 теңге, Алматыда – 503,5 теңге болды.
26 қарашадағы Ұлттық банкінің ресми курсы 1 доллар үшін 498,51 теңге. 27 қарашада, ресми курсты анықтау тәртібіне сәйкес, ол 1 доллар үшін 498,55 теңге болады.